XX. mendeko Euskararen Corpus estatistikoa

Testuingurua

AMILDEGIAREN DANTZA

Ene izpiritua indartsua
denean
ez da egongo, ez!
nik argitu ez nezaken
amildegi ilunik.

Ximeletaren tunika urdinez jantzirik
Eguzkiak beroturik
elurrak hozturik
sena galdurik
dantza sendo bat
dantzatuko dugu.

Itsasoaren aparrak besarkaturik
haizearen kuluskadan
amildegiaren erdian
gabiltz dantzan
itsasoko uhinen eran.

Ez da izango ene gorputzean
higidurarik gabeko zainik
odola dantzan
uholdeen antzan.

Ene izpiritua indartsua denean
amildegi honek
ez nau gehiago amilduko.